終於到我啦--"媽媽, Bye-Bye!",

今日, 真係喜出望外!小虎平日飲完睡前奶奶返自己房睡前都會同我講"Bye-Bye!", 但今日佢竟然改口同我講"媽媽, Bye-Bye!", 終於到我啦!

大約响佢13個月時就會同出門上班的爸Ｂ講"爸爸, Bye-Bye!", 當時我哋都好開心佢會自己做句.我哋只教佢單字: "爸爸", "媽媽", "Bye-Bye", 無教佢加起來一整句講 "爸爸, Bye-Bye!".

小虎真係好叻女, 但係佢一直都唔會聽話叫"媽媽", 除非自願, 所以更加唔會講"媽媽, Bye-Bye!"啦!

還有一星期到14個月, 比爸爸遲了差不多一個月, 但都非常心甜. 真係開心到要即刻寫Blog記下這一刻(15分鐘前發生咋!).