住院記
小虎出咗世第二日就要照登. 初初响我房照overhead嘅登, 後來我出得院, 就轉去兒科照大登. 頭頭三日, 每日都只降1度. 醫生話進度不如理想, 要額外加多塊登版响背脊下面照, double個效力.不過都無用, 重只降得0.5度添. 本來生悄鬼馬的醫生, 面都黑曬冇乜表情, 靜默咗3分鐘, 就話除曬D登, 試吓唔好照. 當時真係擔心死. 最衰D護士日日都話ok 應該出得院, 但次次醫生都話要等黃疸數降多D, 令我哋每日都空歡喜, pack完D嘢又unpack, 失望收塲. 因為黄疸BB會好累, 冇乜心機食奶, 好難喂佢, 加上又要响30分鐘內嗱佢出嚟+喂+拍背+換片+放返佢內去, 超高難度. 所以我7日嚟都响間房無出去, 真係人都癲! 冇postpartum depression都變有啦! 最終,唔照嘅科案係work嘅, 佢足足照咗6日, 我就住咗7日院. 真係有生以來最黑暗嘅一個星期(加上冇得沖涼).
睇吓小虎成個太空人0甘, 好cute呀!
... 但脚仔日日都俾人抽2次血, 好可憐!
Camera Face
邊有人一出世就識望鏡頭0家! 有呀, 我個小虎第一次食奶時就會跟住爸爸個相機望. 話咗係食奶嘅vedio當然唔會post响到啦, 但有佢D靚post相.
第一次微笑
其實小虎第三週就識得笑,係無意識嘅.有意識笑要到第五週才曉. 第一次嘅笑係响婆婆同佢換片時發生嘅. 婆婆好lucky呀! 婆婆love love love 妹妹豬(婆婆改嘅).
佢哭嘅樣都好得意0家!
我變!我變!我變兩眼皮
初初我以為佢有單眼皮而好失望, 但亞姨(姨婆)話吓會變兩眼皮. 真係响第2週佢就變咗兩眼皮, 對眼都大D, 好靚女呀!
